قصيدة بحق العليلة عليها السلام


حن الگلب طاح الدمع اه يا هلي هم ننجمع
سهم الهجر نص الگلب صاباني
يهلي بجفاكم عاشرت احزاني
=========================
من اشتاكَ اصيحن ياهلي. ما وصل صوت صياحي
وكل ساعة اطيح وانتچي. واوگف واكض صفاحي
شــوكَ وسهر فگد الاهل. جفني من اهدهم صاحي
أصبح وامـــسي بدمعتي. وما گطع صوت نياحي
شصبر بعد مر الصبر ما ينحمل يهلي الهجر
هذا انه حالي من مشوا خلاني
يهلي بجفاكم عاشرت احزاني
=========================
اليفگدلة غالي اعله الگلب. ما يون ونة بهيدة
شلون اليفاركَ كل هلة. وسكنوا ابديرة بعيدة
عافوني خلاني ومشوا. علة وهجر و وحيدة
طبع اليفاركَ من يحن. غير الدمع ميفيـــدة
فگد التحبة اشگد صعب ما ينجبر كسر الگلب
اهوة الدمع صار الدمع يهواني
يهلي بجفاكم عاشرت احزاني
==========================
يومي بدموعي يبتدي. لو بدت تطلع شمسة
يغرد الطير من الصبح. چان ويون لي هسة
انشد وادور كل كــــتر. يا هلي منكم شنسة
بكل جانب اتذكر إثر. چنتوا لي زهرة أونسة
وياه اعيشن كل أثر لهلي بخيالي شگد صور
شنسة وذكرهم عايش ابوجداني
يهلي بجفاكم عاشرت احزاني
==========================
امشية عليك الله استچن. يا هوة وارحم حالي
لا تفــــــتح الباب ابچذب. وافرح اجاني الوالي
وتكثر ظنـــوني البالفكر. ومحظرة كلشي ابالي
بالگوة اوصل عتــــبتك. يالباب اشـــوفك خالي
خاب الرجا وخاب الأمل وأتمنى يلفيني الاجل
ما چنت اظنن لو رحت تنساني
يهلي بجفاكم عاشرت احزاني
==============≠===========
كل ساعة احسبها بسنة. وانة انتظركم يهلي
بگلبـي طلع شيب القهر. غيم وتشتت شملي
مشتاگة اشوفك انتظر. يابوية طارش ودلي
سودة الحياة ابلا ضوة. بالعمر بعدك شلي
شلي بحياتي ابلا ابو لا أمي يمي ولا اخو
وحيدة وعليلة والدمع يرعاني
يهلي بجفاكم عاشرت احزاني
===========================
أسألكم الدعاء رائد الاسدي

🌷يا علي🌷

أفـرح أفـرح   هـذا تـنـصـيـب الـولـي
أفـرح أفـرح    يلـمـحـب بـايـع عـلـي

           عـلـي لـلـعَـالــم أمــيـر
           أهـتـف بـعيد الـغـديـر

*----------------------*-------------------*

يامـحـمــد بـلّـغ اتـنـادي الـسـمـه
وبـالـولايـه الـديــن كـلــه تـمـمـه
اليرفض الحيدر مصيره الحاطمه
واليعوف النور لـعـيـونـه الـعـمـه

       بـاچـر أبـأمـره يـحـير

*------------------------*--------------------*

الأمـاره اتـلـوگ بــس الـحـيـدره
الـنـافـس الـكـرار يـرجـع لـيـوره
وآلـد الـسبـطـيـن هـذا الـقسـوره
أوآلد الـعـبـاس سبـع الـگـنـطـره

        جـدد أويـاه الـمـسـيـر

*------------------------*---------------------*

أجـمـل الأفـراح هـايـه فـرحـتـه
بـالـغـديـر ألـلـيلـه نـرفـع رايّـتـه
عـهــد ثـابـت للأمـيـر وبـيّـعـتـه
مالـك أگـلـوب الـغَـياره الـحبـتـه

        يـبـقـى أول والأخـيـر

*-----------------------*---------------------*

سَـجَـل التاريخ وبأسـمـه ابـتـده
هــازم احـزاب وكـتـائـب وَحَـدّه
مايـهـم الجيش والـكـثـرت عِـده
الـزوده لليوم الـمـراجـل شـاهـدّه

       أحـچـي يلعندك ضَميـر

*---------------------*--------------------*

خادم أمير المؤمنين ع
✍الشاعر رعد الجريخي

قصيدة آه ياعباس

الكاتبــه الزينـبيه فاطمــه حســين ✍🏻³¹³


بهيمه زينب كاعده وي العيال
الجانت تحجي بزودكم راح الدلال
افـــزع يعـباس لخـــتك والـــحرم
ورد اسمعنك حجي الشامت هضم

آه ياعباس... آه ياعباس

زينب انا وطولي محد شايفه
معقوله هسه عل هزيله راكبه
ودخلوني بسوك يايمه اصيح
شوفي ابنيتج تمشي وتطيح


آه ياعباس... آه ياعباس

من يجيني الليل يسترني تره
من بعدكم يخوتي ذبلت تره
ليش ياعباس افزع للخيم
ليش من رحتو مجتوفه الحرم

آه ياعباس... آه ياعباس

يمه وينه اليعزيني بهلي
عشت عمري كله دمعاتي علي
انذبح شاني من شفته طاح من المهر
ومن ركضنه حفاي وعل الجمر

آه ياعباس... آه ياعباس



https://www.tg-me.com/joinchat-UShxzSh6DyF31x9W

اني افتهمه من نضراته      چن وصاني عله بنياته
حسين وياشوف العين     گلي صوابگ خويه منين
##
اشلون لو رادت تشوفه       وبطشت رأسه يجي
مدري راح تموت يمه       .     مدري يگتلها البجي
ومو اگيد عتاب عدها.         اندفن گل    الحجي
مفگره من تزعل تروح.         بحظن  ابوها ترتجي

تگله بويه بس تعال.         ردت  منگ بس دلال
اني افتهمه من نضراته   چن وصاني عله بنياته

##
ابگثر ماعثرت شفتها.         گلت ماتگدر تگوم
الدنيه ماتمطر تراها.         لون ماشفت غيوم
وبهذاگ اليوم والله        يومنه جان ارده يوم
سومرتنه الشمس ندري.    ونار تحرگ بالهدوم

طفله ماتدري شيصير.   وحگها لو رادت تحير
اني افتهمه من نضراته.  چن وصاني عله بنياته
##

طبع البنيه حنينه                ميزه هايه بالبنات
وخص بنات حسين والله  حيل والله معتبرات
بس المفارگ يصير       وتمشي لازم هل الحيات
راحه ماشافن خطيه.          من الزغر ومعلعلات

تموت ناس من الوداع    وزين تمشي عله الكاع
اني افتهمه من نضراته.  چن وصاني عله بنياته

##
المات والفارگ خطيه.        اشلون ترجعله روح
والله ايام الطفوف.            ظماد ماگو للجروح
جنها مفطومه رقيه              تجي وگبالي تنوح
ليش ماخلونه عدهم             جان وياهم نروح

روس فوگ رماح يمشون  ميتين بس همه يبجون
اني افتهمه من نضراته.  چن وصاني عله بنياته
##

تگول والله من يجيني.         تسر گلبي شوفته
وجني مالايحني ظيم            لو حظني بشبگته
ليش يگسرني ويروح.         واني جنت مرايته
منين اجيب الحيل إليه.         حتى ارفع رأيته

بعد وين الگه دفو.             اومايرد ادري الابو
اني افتهمه من نضراته.  چن وصاني عله بنياته

الشاعر هاني الحياوي



https://www.tg-me.com/joinchat-UShxzSh6DyF31x9W

فدوه لحسين بنيني فدوه لحسين
صح قليلين ييمه صح قليلين
كون وياهم اهد
خاف ماتكفي الولد
:::::-----::::::
كون عدي امن الولد يحسين ميه
حتى يوفون الوعد بالغاضريه
حتى بيهم افتخر يم الزجيه
حتى ترضه ام الحسن باجر عليه
كمر واخوانه اربعه
طاحو اعله المشرعه
:::::-----:::::
الك ربيت اربعه يا يمه يحسين
ياريت مو بس اربعه ياريت الفين
مشكوره يا ام الوفه يا ام البنين
ماقصريتي لاابد عن نصرت الدين
انتي فعلاً طاهره
قدوه انتي الكل مره
:::::-----:::::
ليش اربيهم وعوفك يبني محتار
يمه جاشنهي العذر من علي الكرار
الك ربيت انه اربعه بالعزم وصرار
هاك احسبهم خدم لعيونك ازغار
خدم لعيونك خدم
انته بس ترضه المهم
:::::-----:::::
انه امهم افكخر بيهم يالحسين
لون ضحو للاخوه ونصرته الدين
هيج وفولي رباي وسهر الاسنين
خل تشهد عليه الناس صوبين
انه كل همي الوفه
عله حكمه ومعرفه
:::::-----:::::
شرف هذا من اضحيلك يغالي
حتى راسي بالمكارم يبقه عالي
اخذ كل تعب العمر يمه ودلالي
تالي منهم بس حزن والهم صفالي
عفيه ولدي المفخره
طاحو اعله الكنطره
::::::------:::::
حسن صالح العيساوي
:::::-----:::::
2024/5/29



https://www.tg-me.com/joinchat-UShxzSh6DyF31x9W

ميمر للجواد عليه السلام

بسم الجواد المسموم الليله انعقد مأتمنه
....

شبل الرضا ياناس تاسع معصوم
بعمر الشباب يموت بالسم مسموم
عالسطح مرمي بلادفن ظل مظلوم
احنا بمصابه انعزّيــه احبابه وتألّمنــه
.....

سمّه اللعين المعتصم واويلاه
بيد اللعينه امّ الفضل ما تخشاه
بالدار ظلّ يلوج محّـد ويّــاه
چبد الجواد المسموم. ينزف دمه ويلچمنه
......

مثل غريب حسين عطشان ومات
وبلا دفن ظل عالسطح بالآهــــات
هيهات ننسه مصيبته لا هيهات
كلما يمر يومه نصيح مصابك جرح يهضمنه
........

لكن تشيّع ما بقه عله التربان
مو مثل ابواليمّه الذبيح العطشان
مطروح داست صدره خيل العدوان
عالمنذبح والمسموم بصوت ودمع سلّمنه
.......

ما ننسه جرحك يالجواد شما صار
كل وكت نتعنّه لضريحك زوّار
خطارك احنا وماتردّ الخطار
صحنك يبوالهادي بشوگ اباب المراد يلمنه
......

خدامك احنا عله العهد نبقه وياك
نحيي المصيبه بحضرتك ما ننساك.
نبچي عله حالك يالجواد وننعاك
ندعي الاله المعبود منك فلا يحرمنه

سيد زيد الفحام
__

اشكو لمن

زينب اشعدها يم المشرعه تدري بچفوف أخوها امگطعه

واليتامه امصدعه زينب اشعدها يم المشرعه

* * *

حايره زينب يم گمر عدنان

والگلب لاهب ابجمرة الصيوان

شاهدت جسمه والمعاتب حان

نادته يا من لهاشم گمر مو وكت نومه يم شاطي النهر

وما نهض من مصرعه زينب اشعدها يم المشرعه

* * *

ليش يا عباس ما تحاچيني

والدهر من خان بينك وبيني

وسهم البعينك صابني ابعيني

ناظرك لو ما يصيبه السهم بالگلب ما تشب نار الخيم

يا مصاب الفاجعه زينب اشعدها يم المشرعه

* * *

هاك عبتي هاك عالحرم خوفي

وگطعت الچفين گطعت چفوفي

والكفيل أيكون بالعهد يوفي

يا شهم ادري توفي بالعهد لاچن الخانك صواب العمد

وعيلتك متروعه زينب اشعدها يم المشرعه

* * *

أدري ما تخلف يا حليف الزود

عاهدت توفي والعهد مريود

لاچن الخانت ضربة العامود

ابعيني شاهدتك يبن حيدره جثتك عالترب متوذره

والاوصال امگطعه زينب اشعدها يم المشرعه

* * *

لاح المگدر يا گمر هاشم

انظر الجسمك عالترب نايم

وطاحت الايتام ابولية الظالم

يا سبب منگطع حبل الوصل وانته تدري الغرب ما ينحمل

اتحشمه ومتروعه زينب اشعدها يم المشرعه

* * *

الشمر لو شمّر وزجر يزجرني

چنت أتأمل انته تحضرني

يا كفيل احماي گوم باصرني

عيلتك لو مشت متيسره ويه گوم الطغاة الجايره

والخدر شيرجعه زينب اشعدها يم المشرعه

* * *

والاشد كل حال طبت الكوفه

وعيلتك تمشي ابحاله مچتوفه

والاشد من هاي لجسمك انعوفه

اشلون جسمك يظل فوگ الترب عالهزل تقبل اسلك هالدرب

وعالأبه متطبعه زينب اشعدها
کلمات الادیب چابر الکاظمی
لحن وأداء الرادود الحسيني
ابوجليل الدردوشي